الترقية راحة هبا

الترقية راحة هبا

الترقيـة راحـت هبا منثور يا الله يا معين
لا جل النقاط اللي عمتنا تسوقنا منسوقها

ياكم نقاطي بجهاز قاـلوا ثمـاني واربعين
يمد يها ما يمد يها لا من تحتها ولا فوقها

ويش الشهادة سادسة يعني عجينن في عجين
ليلي درسناها بوقت الشمس يغيب شروقها

لاوالله الاالسالفة بأبطي عظم يا السامعين
وعز الله إني رايح في سوق ماهوب سواقها

وقدلي بها الخدمة تسعتعشر سنة يا العارفين
وهذي سحايبها علي ترعد وهذي بروقها

ثابـت وراحة واسـتعد ولـف يسـار ولـف يمـين
ولـلـزرى در قد عرفنا اعازها ومنـطوقها

والنخلة اللي مابها نلقارطب علم ويقين
أفضلنا نقطع جذعها وثم نـطش عذوقــها

لا والكويحه داخل الميدان له صوت ورنين
يعدلاعداد الكتيبة بصوت ويجف حلوقها

ينشد لتنشيط العساكر حول لفه ولفتين
لاشال في الطابور شيله جت تشيل بذوقها

جندي خفارة ومجتهد في كل وجه الحالتين
أدنا خطية يرتكبها يبـلش بمعلوقـها

ماقـالوا هذا منظبـط نفك عين ونغض عين
الا يـجازا دامـها من منـظبط ويذوقـها

وسعـيد اليـا تبسم لي وعطـانـي بسمتـين
عرفت بأن السالفة فيها أنتقاد يسوقها

قايد جناح الشرطة مافيها شكوك ولا خمين
ومساعدة محمد سعيد تاج العلوم وطوقها

أخـــــاف منهــم وأستجـير الله رب العـالمـين
لوبـس دعوني من بعيد الروح زاد خفوقها

الله عطاهم هيبة السلطان والسيف السنين
وهذي القصيدة قلتها من عشقها في معشوقها

وسجلت معروض الفصل وأضيف فوقة جملتين
أرجو وأسترحم لا جل شرالظروف وعوقـــها

حيث الظروف القاسية ياسعيد سعد عيت تلين
وقاداـتنا حين قد نشبنا في عظام حلوقها

والخدمة لله الشكر ظبط زربط والوضع زين
بس الظروف القاسية شبت علينا حروقها

وفي الخاتمة صلوا على الهادي المبشر والأمين
أعداد ماشمس الضحى تعلن علينا شروقها

الشاعر/ موسى مساوى الصايغ أبو مشهور